Danska ísbjarnarbúrið!!!!!!

Sáuð þið danska ísbjarnarbúrið??? halló.  Ég trúi ekki að það hafi ekki verið til svona timburkumbaldi með járnívafi til hér á íslandi.  Það er öruggt að einhver bóndin hér á landi liggi með svona heima hjá sér.  Gat ekki annað en brosað þegar þetta var sýnt. 

Ísbirnir/mörgæsir.

Hvenar ætli mörgæsir fari að koma til landsins????

Engir birnir sáust

Leti eða veikindi?

Já það er spurningin.  Hélt að ég myndi ekki lifa gærdaginn af var svo að drepast úr ÖLLU.  Nótinn í nótt fór í að dreyma veikindi og var mikið af blóði í því.  Vaknaði með hausverk aldarinnar ógleði og beinverki.  Þannig að núna er ég að díla við samviskuna hvort ég sé veik eða með letikast á háu stigi.  Hef reynt að mæta veik í vinnu hingað til á þessum vinnustað og var að spá í að mæta í morgun þegar minn elskulegur eiginmaður spruði hvort þetta væri rétt hvort ég treisti mér?  þannig að ég lagðist niður aftur og hef verið að díla við þennan haus síðan en er núna að reyna að rétta mig upp áðru en eiginmaðurinn kemur heim úr vinnu í mat með eitthvað gómsætt handa mér en það verður að vera lystugt svo ógleðin hverfi.  Helgin var fín fékk dóttur og tengdason í heimsókn og var setið og horft á sjónvarp og prjónað alla helgina uppskorðið 9 stykki grifflur, sem sagt og 3 og hálft par. Ekki má gleyma að haldið var upp á afmæli örverpisins á föstudaginn.  Bara góður dagur það.  Hef verið að taka mig á í að halda upp á afmæli barnanna minna með jákvæðum hug.  Og held að nokkra ára uppskera sé að koma í ljós.  Það var stelpuþema í þessu afmæli bara þeir strákar sem eru frændur.  Mamman tók það nærri sér en lifði það af.  En hávaðin var samt mikill.  Núna er dúllan orðin 8 ára stór og fín stúlka.  

Annars er ekkert um að vera á næstunni aldrei þessu vant.  Engin árshátíð og ekkert jólahlaðborð.  Frekar fúlt.  Þetta er það eina sem manni finnst ekki mega klikka ég væri til að sleppa öllu öðru en árshátíð en svona er þetta.  aæsdlfkjawoæeit2wtjádklvjfawqi934t

Lýður að jólum.

Já nú er komin 16 oktober ekki að spurja að því hvað þetta gengur hratt.  Það var sem ég sagði um daginn að alltaf á þessum tíma þá verða börnin mín veik.  Núna er ég búin að vera heima í 2 daga með litluna mína veika.  Hún fór að sofa á sunnudagskvöld og vaknaði á þriðjudagsmorgun eftir 40 stiga hita vitleysu. 

Ég var að velta einu fyrir mér.  Ég  er gift 4 barna móðir sem vinn úti.  Vakna á morgnana, fer í vinnu, kem heim, læt læra, elda mat, geng frá, fer í hina vinnunna, kem heim og sef hjá manninum mínum.   Ok er ekki vanþakklát með það.

Var að lesa blogg hjá systur æskuvinkonu minnar.  Hún kláraði skólan fór til útlanda í nokkra mánuði fór að vinna og ein daginn datt henni í hug að fara á hinn endan á hnettinum í skóla og kvissbangbúm hún lét verða af því og blómstrar sem aldrei fyrr.  Hún hefur ekkert smá afrekað og séð og lært á sinni æfi.  En hún á ekki mann eða börn.

Ekki það að ég öfundi hana vildi ekki skipta en var samt að velta fyrir mér hvað líf fólks sem elst upp á sömu þúfunni er breytileg. 

 Finn það best núna þegar ég ætla að fara að skirfa hvað á daga mína hafi drifið þá er það svona síðan 21 ágúst.

7,30 ræs

8,00 vinna

16.00 vinnu hætt

16,00 heimanám kvöldmatur ganga frá

20.00 vinna 2

21.30 sofa hjá manninum

Svona eru dagarnir í stuttu máli allir eins en sennilega er það svona þegar maður skrifar ekki niður jafnóðum þá gleymir maður öllu og sér bara þetta vanalega.  En vonandi verður breyting á.

 

 

Framhaldsnám/háskólanám eða ekki????? það er stóra spurningin????????

Hvernig get ég útskýrt fyrir börnunum mínum sem brátt eiga að halda í framhaldsnám að það sé rétt???? Þegar staðan í dag er sú að fólk sem hefur menntað sig og á jafnvel háskólanám að baki er að gefast upp á þeirri vinnu sem það er menntað í og flýr í önnur störf sem samsvarandi menntunar er ekki krafist, vegna þess að það er að fá mun hærri laun þar en í þeim störfum sem það er menntað í.  Fólk fær hærri laun í gjaldkerastörfum og afgreiðslustörfum tískuhúsa hendur en í mörgum öðrum störfum sem þarf háskólapróf til.  Ég er sjálf að vinna vinnu sem ég er ekki menntuð til en konan við hliðina á mér er með þessa tilskildu menntun en launamunurinn á okkur er sáralítill.  Ekki námsins virði. 

Get ég sem móðir sagt " þú hefur það svo mikið betra ef þú menntar þig" við börnin mín ???????

Nei ekki með hreinni samvisku því það er ekki rétt.

Fall er fararheill.

Eða það ætla ég að vona.  Ákvað í morgun áður en ég vaknaði að skella mér á hjóli út í búð til að kaupa rjóma svo ég gæti borðað tertuna með góðri samvisku.  Nei nei.  Haldið að mín hafi ekki endað á andlitinu á næstu gangstétt og þegar upp var staðið, í orðsins fyllstu merkingu, þá voru komin sár á allar hliðar mínar.  Ótrúlegt að meiða sig bæði á vinstri og hægri hlið við að enda á andlitinu.  Nú fyrsta hugsunin var sú að núna væri sumarfríið ónýtt ég fer ekki út úr húsi með andlitið allt í sárum og það á sömu hlið og öll húð fór af í hjólaslysi þegar ég var 10 ára.  Með heilahristingi og fleiri árvekum.  En þegar ég hafði litið í spegin eftir að hafa farið með þuluna "spegill spegill segð þú mér, er ég nógu falleg til að fara út?"  Vitið menn, minn fallega ásjóna hefur ekki beðið hnekki við þetta fall.  Þannig að núna skakklappast ég bara út og suður í sumar öll í sárum um allan líkana en kvarta ekki því þó svo að tilfinningin sé sú að kinnbeinin hafi gengið nokkra sentimetra til vinstri þá er ásjónan falleg.  Og hana nú.  En hvað rjómanum viðvíkur þá verð ég bara að fá mér litla sneið í dag þar sem eftir hremmingar dagsins þá fór ég á bíl út í búð svo það réttlætir ekki að fá sér stóra sneið eins og til stóð. 

Veðrið er fallegt í dag sólin ekki búin að ákveða hvort hún eigi að koma eða fara það er svona flekkusól.  Spurninginn um að láta renna í pottinn og liggja og fá lit á skjannahvítan kroppinn.  Yngsta dóttirinn á heimilinu er búin að fá 2 stráka vini í heimsókn og eina vinkonu og tilkynnti mér þegar ég spurði hana hvort þau vildu ekki koma með mér í pottinn, að hún færi sko ein með sínum vinum og hana nú, ekki orðin 8 ára enn.

Gamla sálin öll lurkum lamin og úr sér gengin.

Dagsverkið mitt.

Jæja ekki fór það vel.  Allt til ónýtis.  En lítum á málin.  Ég vaknaði í morgun við það sem er best að vakna við, börnin mín að spjalla.  Eftir að hafa farið í búðina (1 skiptið af 4 í dag og eitt skipti eftir) þá fann ég hvernig bakstursgírinn helltist yfir mig.  Og þegar þessi orð eru skrifuð þá er kvöldmaturinn að malla í pottinum og í frystikistunni er 4 pokar af snúðum, 1 döðluterta, og ein skúffuterta.  Á borðinu er 2 heilhveititertur, 1 döðlukaka, snúðar og marensterta.  Og í maga barnanna minna, bróðurs míns og nokkra barna úr húsum hér í kring eru MARGIR snúðar.  Gott mál þau voru nefnilega fengin til að borða þetta svo ég þurfi ekki að fara út að skokka í kvöld.  Á morgun er svo síðasti vinnudagur mannsins míns fyrir sumarfrí.  Gott mál því ég er komin með lista sem ég hef verið að semja upp meðan ég hef verið að hvíla mig í þessari fyrstu viku míns sumarfrís.  Þannig þegar hann byrjar í sínu þá er ég úthvíld og komin með lista fyrir hann að vinna eftir.   Nei nei segi svona ég læt renna í heita pottinn handa honum og færi honum bjór og nudd svo á laugardagsmorguninn byrjar ballið.    Nei hann á skilið að hvíla sig vel og vandlega eftir mikla vinnu í vetur. 

Gömul sál með deig á puttunum og fitu í hárinu.

Dagur eitt puntur.

Ok þá er að byrja og sjá hvort þetta sé að ganga. 

Hef nefnilega verið að velta því fyrir mér hvað þeir sem eru með blogg í gangi eru duglegir.  Þeir eru alltaf að og það sem þeir afreka er ekkert smá mikið.  En við hin sitjum bara auðum höndum.  Eða þannig lítur það út.  Stundum eftir erilsaman dag þá hef ég velt því fyrir mér hvað ætli bloggið mitt yrði nú langt í kvöld ef það væri til.  Kannski sæist þá eitthvað eftir mann.  En þetta er nóg í bili spurning hvort eitthvað annað komi??????